إخوان الدقهلية الموقع الرسمي للإخوان المسلمين بالدقهلية
شن رواد مواقع التواصل الاجتماعي “فيس بوك” و “تويتر” حملة ضد مطاعم أم حسن وذلك بعد إعتداء عمال ومديري المطعم فرع “مدينة نصر” على فتيات بسبب كونهم منتقبات .
احدى من تعرضن للإعتداء ، حكت ما حدث عبر حسابها بموقع “فيس بوك” ونرصده في السطور التالية:
زي اي شوية اصحاب لمينا بعض وروحنا نفطر في محل Om Hassann | أم حسن الي فاول عباس ..دخلنا من الباب شوية منتقبات وكم واحدة مختمرة قاعدنا ونظرتهم لينا وتعاملهم غريب قولنا عادي واحنا بنفطر الكاشير جبلنا الفاتورة وقالته بنت مننا احنا لسه بناكل نخلص بس حاضر دقيقتين وجي بالفاتورة تاني وردينا عليه هو حضرتك عايزنا نقوم يعني ناكل طيب .. الساعة ٨ قومنا ندفع الحساب فمدير المحل خبط في بنت مننا واحتك بيها جامد فقالته من فضلك وسع كدا مينفعش ممكن تمر من مكان تاني قالها وطي صوتك وعلي صوته عليه فاخدنا شنطنا وقولنا نمشي فقلنا اصلكم مش محترمين انتوا والي لمينهم دول ومكانكم تاكلوا في الشارع انتوا منظر ناس تاكل في مطعم .. وسبلنا الدين وقالنا انتوا تاكلوا فالشارع بمنظركم دا ” الي هو ايه منظرنا معرفش “بالنص كدا ونزلنا السلم وباقي اصحابنا فوق لقينا صويت وصريخ طلعنا نجري لقينهم فكين حزمة البناطيل وبيضربوا في اصحابنا رجالة بشنبات بتضربنا اتحبس مننا حبة فالدور الي فوق وحبة فالدور الي تحت وحبة برا باب المحل لمدة ٤٨ دقيقة كان دمنا نشف ومعظمنا عنده كدمات كبيرة واصابات منها اصابات فالراس والدراع والجسم وضرب ع الوش والشلاليت .. اه دا حقيقي وكمان الزبابين اتبرعت وضربت مع ادارة المكان … لانهم عارفين اننا في بلد مش هتعرف منتقبة تطلب فيها الامن لحد لانه لو جيه هياخدها ..
#ام_حسن_بلطجية
هذا و تفاعل الألاف من رواد موقع “فيس بوك” مع سلمى و رفاقها ، مطالبين بمقاطعة هذه المطاعم . وذلك عن طريق هاش تاج #قاطعوا_أم_حسن
يذكر أن مطاعم أم حسن تعرضت لأزمة شديدة منذ عامين تحديدا بسبب شائعة تقديم المطعم لـ “لحم حمير” و هو الأمر الذي تسبب في إنهيار رئيس الشركة المالكة للمطعم و بكاؤه على الهواء .
