بقلم : د. محمد يوسف

الأخ نوح من إخوان السويس قعد فى معتقل مرج الزهور فترة من الزمن تجاوزت الشهور الأربعة صابرا محتسبا هو وإخوانه وأولاده وزوجته وهذه رسائل وصلته من زوجته وأولاده فى رمضان الماضى تتقطر حبا وصبرا .

من ابنتك ( المعيدة ) مستقبلا – فاطمة الزهراء

إلى أعز إنسان عندى , إلى حبيبى بابا , أنا بحبك جدا ونفسى أكون مثلك يا بابا , سلم لى على اللى معاك من الإخوان , وقل لهم أنا أحبهم فى الله جدا , وعايزاكم تدعوا لى أنا وأخوتى ربنا يهدينا ويوفقنا فى دراستنا , وأدخل كلية الهندسة وأكون معيده بها بإذن الله علشان أفرحك أنت وماما وكل الإخوان , وأنا نفسى أفرحكم على طول يابابا , اطمئن علينا نحن بخير , ودايما أدعوا لكم أن تقضوا رمضان معانا علشان رمضان من غيركم ليس له طعم وربنا يجمع شملكم وحسبنا الله ونعم الوكيل فى الظالمين اللى حرمونا منك

ابنتك – فاطمه الزهراء .

( أبى الحبيب , وحشتنى , وأنا منتظمة مع الشيخ فى حفظ القرآن , أنا ورضوى ومحمد , والشيخ يقول لى بارك الله فيك وفى إخوتك وأنتم شاطرين )

ابنتك رقية – الصف الثانى الابتدائى

( حبيبى بابا , من بنتك الدكتورة رضوى , أنا هكون دكتورة وأكون شاطره , وأنا بسمع كلام ماما وبنقعد ندعوا لك وحسبنا الله ونعم الوكيل فى الظالمين وحشتنى يا بابا )

 ( حبيبى بابا من ابنك المهندس محمد الصف الخامس الابتدائى , بحبك يابابا وحشتنى وأنا بأخذ العلاج بانتظام وادعوا لى أنت وإخوانك ربنا يشفينى وحسبنا الله ونعم الوكيل فى اللى حرمونا منك ونفسى تحضر العيد معانا يا بابا , اصبر , إحنا بخير ) .

( حبيبى الغالى بابا نوح دراز من ابنك البطل إسلام – الصف الثانى الإعدادى , نحن جميعا بخير وبنحبك وعاوزينك يا بابا تدعوا لنا أنت وإخوانك وماما بخير وجدى وجدتى كلهم يسلمون عليك , وعلى فكره أنا ختمت الجزء الرابع عشر من القرآن وادعوا لى أن أكون من الحافظين لكتاب الله العاملين به ونموت كلنا شهداء بعد أن نخدم ديننا وأمتنا وأنا منتظم فى النادى أنا ومحمد فى التدريب لكرة القدم وأنا أسمع كلام ماما وزى ما انت عودتنى أن أكون راجل )

خطاب مفعم بالحب من زوجة الأخ نوح

حبيبى وقرة عينى وأمل حياتى , زوجى الغالى

اطمئن علينا أنا والأولاد , ونحن بخير وأنت عارف أنا بحبك قد إيه , لو بحثت فى الكون كله لن تجد من تحب زوجها مثلى , وأنت فراقك عنى وعن الأولاد أحزننى جدا , ولكن طالما هو فى جنب الله وفى حب الله وفى سبيل الله فمرحبا بالتضحية وفى الجهاد فى سبيل الله .

حبيبى , أسأل الله أن يجمع شملنا فى أقرب مما تتخيل , أو يتخيل الظالمون لأن الأمر كله بيد الله وأسأله أن تكون من الذين آمنوا واتبعتهم ذريتهم بإيمان , وأن يلحق بنا ذريتنا على الإيمان ويرزقنا الله جزاء ذلك الفردوس الأعلى مع النبى وصحبه – آمين .

حبيبى وحشتنى جدا , وإن ظن الظالمون أنهم يحرموننا من السعادة فهم مخطئين لأن السعادة كلها فى رضا الله وطاعة الله وبيد الله وهم إلى زوال وربنا يقدر لنا الخير ويرضينا به .زوجتك المحبة لك ولدعوتك – أم إسلام .